Rusiya Kiyevi “Xəncər”lə vura bilər: Bütün diqqət bu tarixə yönəldi

Rusiya 9 May Qələbə Günü ərəfəsində Ukraynaya qarşı ən sərt xəbərdarlığını edib. Moskva bəyan edib ki, əgər bayram tədbirləri zamanı hər hansı təxribata əl atarlarsa, Kiyev “Xancər” (Kinzhal) hipersəs raket kompleksləri ilə hədəfə alınacaq.

Publika.az xəbər verir ki, hərbi ekspert Vasili Dandıkin "İzvestiya"ya müsahibəsində Moskvanın cavabının sarsıdıcı olacağını bildirib.

"Bizim arsenalımızda həm ballistik, həm də qanadlı raketlərdən ibarət geniş çeşid var. "Xəncər" tipli hipersəs raketləri də bura daxildir. Lazım gələrsə, onların hamısı işə salına bilər", - deyə ekspert vurğulayıb.

Federasiya Şurasının Beynəlxalq Əlaqələr Komitəsinin sədri Qriqori Karasin isə hesab edir ki, bu cür xəbərdarlıqlar Ukrayna rəhbərliyinə "ayıldıcı" təsir göstərməlidir.

O, 9 Mayın insidentsiz keçəcəyinə ümid etdiyini bildirərək deyib: "Niyə biz Rusiyaya, onun müqəddəs dəyərlərinə və yaddaşına qarşı yönələn terrora və kobudluğa sakit yanaşmalıyıq? Hesab edirəm ki, bu, normal və ayıltmaq üçün yerində verilmiş bəyanatdır".

Müəllif: Adəm