Kreml etiraf etdi: Geriləmə təkcə Rusiyada deyil

Rusiya prezidentinin mətbuat katibi Dmitri Peskov jurnalistlərə açıqlamasında ölkə iqtisadiyyatındakı mövcud vəziyyəti şərh edib.

Publika.az xəbər verir ki, Kremlin rəsmisi Rusiya iqtisadiyyatının dünya meyillərinə uyğun hərəkət etdiyini bildirib. O qeyd edib ki, digər ölkələrin iqtisadiyyatlarında da geriləmələr müşahidə olunur.

"Rusiya iqtisadiyyatı dünya bazarlarında müşahidə olunan dəyişkənlikdən tam sığortalana bilməz", - deyə Peskov vurğulayıb.

Xatırladaq ki, daha əvvəl Rusiya hökuməti növbəti üç il üçün ÜDM-nin artım tempinə dair proqnozlarını əhəmiyyətli dərəcədə azaldıb. Cari il üçün bu göstəricinin cəmi 0,4% olacağı gözlənilir.

Buna baxmayaraq, D. Peskov hökumətin atdığı addımlar sayəsində makroiqtisadi sabitliyin qorunduğunu və gələcəkdə iqtisadi artım templərinin yüksəldilməsinin planlaşdırıldığını qeyd edib.

O, həmçinin iqtisadi vəziyyəti kadr islahatları ilə əlaqələndirməməyə çağırıb və Prezident Vladimir Putinin bu məsələləri şəxsi nəzarətində saxladığını bildirib.

Müəllif: Adəm