MDB

Moskvadan Brüsselə sərt ittiham: Avropa İttifaqı şansını birdəfəlik itirdi

12 May 2026 17:12

Rusiya xarici işlər nazirinin müavini Aleksandr Qruşko bəyan edib ki, Avropa İttifaqı (Aİ) Ukraynadakı müharibəsinin nizamlanmasında konstruktiv iştirak edə bilməz. Buna səbəb qurumun müharibəni uzatmaq üçün hər şeyi etməsidir.

Publika.az Rusiya mediasına istinadən xəbər verir ki, diplomat hazırda rəsmi Brüssel ilə dialoq üçün şəraitin olmadığını vurğulayıb.

“Bizim Avropa İttifaqı ilə dialoq üçün heç bir şəraitimiz yoxdur. Reallıq budur ki, Aİ başlanğıcdan Ukrayna böhranının mərkəzində dayanıb”, - deyə Qruşko bildirib.

XİN rəsmisi qeyd edib ki, Avropa strukturları eskalasiyaya görə birbaşa məsuliyyət daşıyır, çünki böhran məhz onların hərəkətləri nəticəsində tətiklənib. Nazir müavininin sözlərinə görə, Brüsselin vaxtilə Minsk sazişləri çərçivəsində neytral mövqe tutmaq və sülhün qarantı olmaq kimi tarixi imkanı olsa da, bu şans artıq birdəfəlik əldən verilib.

Müəllif: Adəm