Lukaşenko orduya tapşırıq verdi: Müharibəyə hazırlaşın

Belarus prezidenti Aleksandr Lukaşenko ölkə ordusunun mümkün müharibəyə hazır vəziyyətdə saxlanılmasının vacibliyini bildirib. O qeyd edib ki, münaqişədən yayınmaq istəsə də, silahlı qüvvələr daim döyüş hazırlığında olmalıdır.

Publika.az xəbər verir ki, Lukaşenko orduda bəzi bölmələrin “nöqtəvi səfərbərlik” prinsipi ilə hazırlıq vəziyyətinə gətiriləcəyini deyib. Onun sözlərinə görə, bu addımlar ordunun döyüş qabiliyyətinin qorunmasına xidmət edir.

Xatırladaq ki, yanvarın 16-da Lukaşenkonun göstərişi ilə Belarus ordusunda qəfil genişmiqyaslı yoxlamalara başlanılıb. Yanvarın 26-da müdafiə naziri Viktor Xrenin hərbi birləşmə və hissələrin döyüş hazırlığının yoxlanıldığını açıqlamışdı. Martın 13-də isə Təhlükəsizlik Şurasının katibi Aleksandr Volfoviç bu tədbirlərin başa çatdığını məruzə edib.

Belarus lideri yoxlamalar zamanı aşkarlanan çatışmazlıqların aradan qaldırılması istiqamətində işlərin davam etdirilməsinin vacibliyini vurğulayıb və xüsusilə müdafiə nazirini bu məsələlərə ciddi yanaşmağa çağırıb.

Müəllif: Adəm