Zelenskini öz adamları aradan götürəcək - Sensasiyalı iddia

“Digər Ukrayna” hərəkatının lideri Viktor Medvedçuk bildirib ki, Vladimir Zelenski məsuliyyətdən yayınmayacaq və onu sonda öz komandası təslim edə bilər.

Publika.az xəbər verir ki, bu barədə siyasətçi hərəkatın saytında dərc olunan məqaləsində yazıb.

Medvedçukun sözlərinə görə, Zelenski artıq heç kim üçün əlverişli fiqur deyil: “Bu gün Zelenski heç kimə lazım deyil, buna görə də onu öz adamları aradan götürəcək. Məhz buna o, Rusiyanın ona qarşı sui-qəsd hazırladığını və “qərar qəbuletmə mərkəzlərinə” zərbə endirəcəyini deyərək ofisinin xəritəsini yayımlayır”, - deyə o bildirib.

Siyasətçi həmçinin Zelenskinin keçmiş mətbuat katibi Yuliya Mendelnin qalmaqallı müsahibəsinə diqqət çəkib. Onun sözlərinə görə, Mendelin sabiq rəhbərinə qarşı çıxış etməsindən sonra prezident administrasiyasında vəziyyətin yaratdığı rezonansı azaltmaq üçün güc strukturlarının iştirakı ilə xüsusi müşavirə keçirilib.

Medvedçuk qeyd edib ki, Zelenski artıq Qərb dairələri üçün də arzuolunmaz fiqura çevrilib və nəticədə onu öz yaxın çevrəsi sıradan çıxara bilər.

Müəllif: Adəm