"Qiyamət tadiosu"ndan 6 sirli mesaj

"Qiyamət günü radiosu" kimi tanınan stansiyada mayın 21-də bir gün ərzində altı mesaj qeydə alınıb.

Publika.az xəbər verir ki, bu barədə stansiyanın fəaliyyətini izləyən "UVB-76 log" "Telegram" kanalı məlumat yayıb.

Bakı vaxtı ilə saat 08:09-da ilk olaraq "Жестокаин" sözü, 10:10-da "Ляповнук", "Блиноспас" və "Вруновал", saat 12:03-də isə sonuncu siqnallar olaraq "Королевна", "Капосук" və "Братошик" sözləri efirə verilib.

Bundan əvvəl, mayın 18-də stansiya iki sözdən ibarət mesaj çatdırıb. Həmin gün saat 20:13-də "рубидий" və "постомари" sözləri səslənib. Həmin günün səhəri, saat 07:03-də isə "бундотом" mesajı qeydə alınmışdı.

Qeyd edək ki, UVB-76 1970-ci illərdə yaradılmış hərbi radio stansiyasıdır. Stansiya əsasən qısa, vızıldayan siqnallar ötürdüyü üçün qeyri-rəsmi olaraq "Vızıldayan" (Jujjalka) adlandırılır. Bəzi məlumatlara görə, bu stansiya SSRİ-də "soyuq müharibə" dövründə yaradılan sistemin bir hissəsidir və iddialara görə, hazırda da Rusiya tərəfindən istifadə olunur.

Hüseyn İbadlı