KTMT-dən mühüm addım: Təşkilat hərbi potensialını artırır

Kollektiv Təhlükəsizlik Müqaviləsi Təşkilatının (KTMT) kollektiv hərbi qüvvələrinin gələcək inkişafını müəyyənləşdirəcək sənədlər imzalanıb.

Publika.az xəbər verir ki, bu barədə Rusiyanın müdafiə naziri Andrey Belousov məlumat verib.

Onun sözlərinə görə, qəbul edilən qərarlar təşkilatın kollektiv qüvvələrinin bütün komponentlərinin mərhələli inkişafına xidmət edəcək.

Rusiya Müdafiə Nazirliyindən bildirilib ki, əldə olunan razılaşmalar təşkilatın hərbi potensialının daha da gücləndirilməsinə töhfə verəcək.

Belousovun sözlərinə görə, müzakirələr zamanı iki əsas istiqamətə xüsusi diqqət ayrılıb. Bunlar vahid hava hücumundan müdafiə sisteminin və kollektiv aviasiya qüvvələrinin daha da inkişaf etdirilməsidir.

Nazir əlavə edib ki, hazırlanan və imzalanan sənədlər noyabrda keçiriləcək KTMT sammitində üzv dövlətlərin rəhbərlərinə təqdim olunacaq.

Qeyd edək ki, KTMT-yə üzv ölkələr 2026-cı ildə səkkiz hərbi təlim keçirəcəklər. Bu barədə təşkilatın baş katibi Taalatbek Masadıkov müdafiə nazirləri şurasının iclasından sonra açıqlama verib.

Adəm