Paşinyan seçkidən dərhal sonra Putinin görüşünə gedəcək - Qorxu, yoxsa diplomatiya?

Ermənistanın baş naziri Nikol Paşinyan bildirib ki, ölkədə keçiriləcək parlament seçkilərindən sonra Rusiyaya gedəcək və prezident Vladimir Putinlə görüşəcək.

Publika.az xəbər verir ki, bu barədə “İnterfaks” məlumat yayıb.

Seçicilərlə görüş zamanı Paşinyan deyib ki, 1 iyun tarixində Putin onu telefonla ad günü münasibətilə təbrik edib və bu zəng zamanı ikisi işgüzar mövzuları da müzakirə ediblər.

“Seçkilərdən sonra yenidən Moskvaya gedəcəyik, görüşəcəyik və bütün aktual məsələləri həll edəcəyik”, - Paşinyan vurğulayıb.

Qeyd edək ki, Ermənistanda parlament seçkiləri iyunun 7-də keçiriləcək. Kampaniyada hakim “Vətəndaş Müqaviləsi” partiyası (lider - Nikol Paşinyan), sabiq prezident Robert Köçəryan, keçmiş ombudsman Arman Tatoyanın rəhbərlik etdiyi “Vahidlik qanadları” təşəbbüsü və iş adamı Samvel Karapetyanın rəhbərlik etdiyi “Öz Yolumuz” hərəkatı iştirak edəcək.

Seçkilərdə həmçinin keçmiş İrəvan meri Ayq Marutyan və onun “Yeni Güc” partiyası, eləcə də “Erməni Milli Konqres” partiyası iştirak edəcək. Bu partiyanın siyahısına vitse-prezident Levon Zurabyan başçılıq edəcək.

Adəm