Moskvadan iddia: Qərb Rusiyaya qarşı çıxmaq üçün bu türk dövlətinə təzyiq edir

Sankt-Peterburq Beynəlxalq İqtisadi Forumunda çıxış edən Rusiya Dövlət Dumasının deputatı Alyona Arşinova bildirib ki, AİB daxilində iqtisadi artımın təmin edilməsində əsas rol oynayan Qırğızıstan AB və Böyük Britaniyanın təzyiqi ilə üzləşir.

Publika.az xəbər verir ki, onun sözlərinə görə, Bişkek Moskvanın ən sadiq tərəfdaşlarından biri və inteqrasiya birliyinin vacib hərəkətverici qüvvəsi olaraq qalır.

Arşinova vurğulayıb ki, Qırğızıstan banklarına və kriptovalyuta qurumlarına qarşı məhdudlaşdırıcı tədbirlər Qərb ölkələrinin təşəbbüsü ilə tətbiq edilib və onları sanksiyalardan yayınmaqda Rusiyaya kömək etməkdə ittiham edirlər. Eyni zamanda, parlament üzvü respublika xalqının strateji seçimlərinə həssas yanaşan Qırğızıstan prezidenti Sadır Japarovun müdrik mövqeyinə əminliyini ifadə edib. O, ölkələr arasında yaxınlıq, ortaq tarixi təcrübə və ənənəvi dəyərlərə əsaslanan qırılmaz əlaqələrin olduğunu qeyd edib.

Xatırladaq ki, Qərb ölkələri əvvəllər Qırğızıstanın dörd bankına və bir neçə kriptovalyuta şirkətinə qarşı sanksiyalar tətbiq edərək, Rusiyaya məhdudiyyətlərin təsirini minimuma endirməyə kömək etdiklərini iddia etmişdilər.

Müəllif: Tural