Ukrayna bu addımı atsa, Moskva güzəştə gedəcək - Putin şərt qoydu

"Kiyev Ankoricdə müzakirə olunan kompromislərlə razılaşarsa, Ukraynadakı münaqişə tezliklə başa çatacaq".

Publika.az "Kommersant" qəzetinə istinadla xəbər verir ki, bu barədə Rusiya Prezidenti Vladimir Putin Sankt-Peterburq Beynəlxalq İqtisadi Forumu (SBİF) çərçivəsində beynəlxalq media rəhbərləri ilə görüşündə bildirib.

Prezident vurğulayıb ki, Moskva vəziyyəti Ankoricdə əldə olunan razılaşmalar əsasında sülh yolu ilə nizamlanmasında maraqlıdır və Rusiya tərəfi Alyaskada müzakirə edilən kompromislərə hazırdır.

"Bu kompromislərlə Ukrayna tərəfi də razılaşmalıdır. Belə olan halda münaqişə tez bir zamanda öz təbii sonuna çatacaq", - deyə o qeyd edib.

Buna baxmayaraq, Putin tədbir zamanı Kiyevin sülh razılaşmalarına hazır olmadığını da bildirib.

Daha əvvəl Rusiya xarici işlər nazirinin müavini Mixail Qaluzin ABŞ-ın Ukrayna Prezidenti Volodimir Zelenskini Ankoric sammitində əldə olunan anlaşmalar çərçivəsində hərəkət etməyə təşviq etməyə çalışdığını söyləmişdi.

Hüseyn İbadlı