Alkoqol bazarında sərt qadağa: Bu şəxslərə...

Rusiyada tərkibində spirt olan məhsulların istehsalı və dövriyyəsinə nəzarət qaydalarının dəyişdirilməsi təklif olunub.

Publika.az xəbər verir ki, bu barədə Rusiya Maliyyə Nazirliyinin hazırladığı qanun layihəsində qeyd edilib.

Sənəd qəbul edilərsə, qeyri-qənaətbəxş işgüzar nüfuza malik şəxslər alkoqol məhsullarının istehsalı və dövriyyəsinə nəzarət edə bilməyəcəklər.

Rusiya Dövlət Dumasında birinci oxunuşdan keçən qanun layihəsinə əsasən, saxta və ya qəsdən iflas, eləcə də müflisliklə bağlı digər qanunsuz əməllərdə iştirak etmiş şəxslər bu kateqoriyaya daxil ediləcəklər.

Bundan başqa, qanunsuz qumar oyunlarının təşkili və keçirilməsi, qanunsuz istehlak kreditlərinin verilməsi, eləcə də maliyyə fəaliyyəti ilə bağlı digər cinayətlərə görə təqsirli bilinən vətəndaşlar da siyahıya salınacaqlar.

Qeyd edək ki, Rusiya Maliyyə Nazirliyi tərəfindən hazırlanan sənəd ictimai müzakirələr başa çatdıqdan və hökumətin müvafiq qərarı qəbul edildikdən sonra qüvvəyə minəcək.

Adəm