Elbrusda buzlaqlar sürətlə əriyir: Azərbaycanla qonşu dağlarda isə yoxa çıxıb

Elbrusdakı buzlaqlar son 50 ildə yağıntı və temperaturun təxminən bir dərəcə artması səbəbindən 300 metr geri çəkilib.

Publika.az xəbər verir ki, bu barədə “RİA Novosti” agentliyinə Yüksək Dağ Geofizika İnstitutunun laboratoriya müdiri Nataliya Kondratieva məlumat verib.

O, bildirib ki, Elbrus buzlaq massivi üzərində 2022-ci ildən 2025-ci ilə qədər aparılan tədqiqatlar Azau, Malı Azau və Qarabaşı buzlaqlarının yarım əsrlik bir dövrdə geri çəkilməsinin təxminən 300 metr təşkil edib.

Qafqazdakı digər buzlaqlarda da ərimə qeydə alınır.

"Biz müəyyən etdik ki, Kabardin-Balkariyada eyni 50 il ərzində yüksək dağlıq zonada orta aylıq temperatur 0,9 dərəcə Selsi artıb, orta aylıq yağıntı isə eyni dövrdə 138 millimetr artıb. Bu dinamika buzlaqların əriməsini sürətləndirir, çay axınının həcmini artırır və daşqın riskini artırır ki, bu da digər amillərlə yanaşı, sel və sürüşmələrə gətirib çıxarır.

Şimali Qafqazın şərqində kiçik buzlaq relyef formalarının tamamilə yox olması tendensiyası özünü göstərir. İnquşetiya və Çeçenistanda buzlaqlar demək olar ki, yoxa çıxıb, Dağıstanda isə yalnız kiçik "buzlaqlar" qalıb”, - ekspert deyib.

Müəllif: Tural