Ukraynaya sülh lazımdır! - Zelenski

Ukrayna Təhlükəsizlik Xidməti gecə Rusiyanın Yaroslavl bölgəsində, Ukrayna sərhədindən 700 kilometrdən çox uzaqlıqda yerləşən neft obyektinə zərbə endirib.

Publika.az xəbər verir ki, bu barədə Ukrayna Prezidenti Volodimir Zelenski öz sosial şəbəkə səhifələrində paylaşım edib.

Zelenskinin sözlərinə görə, Rusiyanın dövlət ehtiyatları üçün vacib olan Yaroslavl bölgəsindəki neft obyektinə ziyan dəyib.

“Bu, Təhlükəsizlik Xidməti əməkdaşlarının gecə əməliyyatı zamanı seçdiyi hədəf olub. Tula bölgəsində Novomoskovskdakı Azot zavoduna qarşı ayrıca bir zərbə endirilib. Zavod partlayıcı maddələr istehsal edir. Ukraynanın hücumu zamanı Rusiyanın 28 bölgəsində hava hücumu xəbərdarlıqları edilib. Rusiyanın 6 aeroportunda hava hərəkətinə məhdudiyyətlər tətbiq edilib. Zərbələr, həmçinin Ukraynanın müvəqqəti işğal olunmuş ərazilərindəki Rusiya ordusunun hərbi logistika obyektlərinə də yönəlib. Ukrayna uzunmənzilli zərbə planını yerinə yetirir və Rusiyanın müharibəni bitirməkdən imtina etməsinə cavab verir. Biz Rusiya rəhbərliyinə mümkün olan bütün danışıqlar formatlarını təklif etdik. Yeganə cavab davam edən təcavüz və onu genişləndirmək cəhdləri oldu. Müharibənin başladığı yerə qayıtması məntiqlidir. Ukraynaya sülh lazımdır”, - deyə Zelenski yazıb.