Minsk müharibəyə sürüklənsə, nəticəsi ağır olacaq - Lukaşenko

Belarus prezidenti Aleksandr Lukaşenko Bryansk vilayətində Ukrayna Silahlı Qüvvələrinin Belarusdan olan uşaqları daşıyan avtobusa hücumunu şərh edib.

Publika.az xəbər verir ki, Lukaşenko Belarusu müharibəyə cəlb etmək cəhdlərinin Minskə qarşı təxribat törədənlər üçün ağır nəticələr doğuracağını bildirib.

“Əgər kimsə bizi təxribata çəkib müharibəyə sürükləməyə çalışarsa, düşünürəm ki, bu, bunu etməyə çalışanlar üçün pis nəticələnəcək”, - deyə Lukaşenko vurğulayıb.

O qeyd edib ki, baş verən hadisələr kimlərinsə Belarusun sakit dövlət olmasını qəbul etməməsi ilə bağlıdır.

Məlumata görə, 17 iyun tarixində Ukrayna Silahlı Qüvvələrinin Bryansk vilayəti yaxınlığında Belarusdan olan uşaq futbol komandasını daşıyan avtobusa dron hücumu həyata keçirilib. Hücum nəticəsində komandanı müşayiət edən bir qadın həyatını itirib, altı yeniyetmə futbolçu daxil olmaqla səkkiz nəfər yaralanıb. Yaralıların altısı xəstəxanalara yerləşdirilib, iki uşaq isə reanimasiyada müalicə olunur.