Rusiya Ermənistana nota verdi
Bizi izləyin
Aptekonline

MDB

Rusiya Ermənistana nota verdi

Rusiya Ermənistana nota verdi

Rusiya Ermənistanın Gümrü şəhərində Böyük Vətən Müharibəsi qəhrəmanlarının xatirəsinə ucaldılmış abidənin təhqir olunmasına görə rəsmi etirazını bildirib.

Publika.az xəbər verir ki, bu barədə TASS məlumat yayıb.

Məlumata görə, Moskva İrəvana rəsmi nota göndərərək baş verən hadisəni ortaq tarixi yaddaşa qarşı hücum kimi qiymətləndirib.

Rusiya Xarici İşlər Nazirliyinin rəsmi nümayəndəsi Mariya Zaxarova hadisəni “küfr” və Böyük Qələbənin təhqir olunmasına cəhd adlandırıb.

Diplomat vurğulayıb ki, söhbət adi vandalizm və ya xuliqanlıqdan getmir, bu, iki ölkəni birləşdirən dəyərlərə qarşı məqsədli addımdır.

Qeyd edək ki, daha əvvəl Ermənistanın Gümrü şəhərində yerləşən qəhrəman şəhərlərə həsr olunmuş memoriala ziyan vurulduğu bildirilmişdi. Abidənin üzərindəki hərflər qoparılaraq atılıb, beşguşəli ulduzlara isə zərər dəyməyib.

Adəm

Oxumağa davam et
Reklam
Reklam

Gündəm

Aptekonline