Lukaşenko xalqa müraciət etdi: Bu, revanşizmə qarşı qalxandır, onu qoruyun

Belarus Prezidenti Aleksandr Lukaşenko İkinci Dünya Müharibəsi hadisələrinin tarixi yaddaşının qorunmasının müasir ideoloji təhdidlərə qarşı etibarlı bir maneə olduğunu bildirib.

Publika.az xəbər verir ki, Lukaşenko bunu İkinci Dünya Müharibəsi və Belarus Xalqının Soyqırımı Qurbanlarının Anım Günü münasibətilə etdiyi çıxışında bildirib.

Dövlət başçısının sözlərinə görə, tarixi yaddaş və keçmiş cinayətlərin hüquqi qiymətləndirilməsi bir-biri ilə ayrılmaz şəkildə bağlıdır.

"Yaddaşımız hərbi revanşizmin təcavüzünü cilovladığımız qalxandır. Belarus xalqının soyqırımı ilə bağlı cinayət işinin istintaqı, heç bir məhdudiyyət müddəti olmayan cinayətlər üçün ədalətli mühakimə aktıdır", - Lukaşenko vurğulayıb.

Prezident müharibənin 22 iyun 1941-ci ildə başlamasını ölkə tarixindəki ən dəhşətli hadisə kimi xarakterizə edib. O qeyd edib ki, Avropanın hər yerindən toplanmış Hitler ordusunun işğalı, nasist "yaşayış məkanı" naminə insan təcrübələri, edamlar, işgəncələr və müdafiəsiz mülki əhalinin kütləvi şəkildə məhv edilməsi ilə müşayiət olunan genişmiqyaslı təmizləmə kampaniyasının başlanğıcını qoydu.

Sonda Lukaşenko qaliblərin varisləri kimi belarusluları həmişə tarixi həqiqəti müdafiə etməyə və qəhrəmanların xatirəsini əziz tutmağa çağırıb.

Müəllif: Tural