Lukaşenkonun “qarpız batalyonu": Belarus lideri 22 yaşlı modellə eşq yaşayır? - FOTO

Belarusu 32 ildir idarə edən Aleksandr Lukaşenkonun (71) hazırda 22 yaşlı gözəllik kraliçası Aliya Korotkaya ilə münasibətdə olduğu iddia edilir.

Publika.az xəbər verir ki, bu barədə “Daily Mail” məlumat yayıb. Nəşrin Belarus mənbələrinə istinadən verdiyi məlumata görə, Lukaşenkonun ayrı yaşadığı həyat yoldaşı Qalina kənd yerlərində qorunan bir mülkdə qalır.

Məqalədə deyilir ki, gözəllik kraliçaları və modellər illərdir Lukaşenkonu dövlət qəbulları, xokkey matçları, mədəni festivallar və beynəlxalq səfərlərdə müşayiət edirlər.

İddialara görə, Belarus liderinin yaxın ətrafı nüfuzlu dövlət vəzifələri və gəlirli rollar tuturlar. Hesabatda bildirilir ki, bu, geniş yayılıb və belaruslar hətta Lukaşenko ilə birlikdə görülən qadınlara illik qarpız yığımı tədbirlərindən qaynaqlanan "qarpız batalyonu" ləqəbini veriblər.

Müstəqil Belarus xəbər agentliyi "Buro"nun araşdırmaları da Lukaşenko ilə birlikdə rəsmi tədbirlərdə müntəzəm olaraq iştirak edən bir çox qadının sonradan dövlət aparatında nüfuzlu vəzifələr tutduğunu, bəzilərinin hətta televiziya aparıcısı olduğunu vurğulayır. Hətta 2018-ci ildə "Miss Belarus" seçilən Mariya Vasileviçin parlament üzvü təyin edildiyi də qeyd olunur.

Müəllif: Tural