Ukraynanın rekord sayda dronla hücumuna Rusiyadan reaksiya: Vəziyyət çətindir, təcili...

Rusiya Dövlət Dumasının Beynəlxalq Əlaqələr Komitəsi sədrinin birinci müavini Aleksey Çepa qeyd edib ki, Ukraynanın məqsədi dron imkanlarını artırmaqdır.

Publika.az xəbər verir ki, deputat “Lenta.ru”ya verdiyi müsahibədə Ukrayna Silahlı Qüvvələrinin (UHQ) rekord sayda dronla hücumunu şərh edib.

Çepa qeyd edib ki, Ukraynanın açıq məqsədinin dron imkanlarını artırmaq olduğunu başa düşürük. Bu məqsədlə, onlar Qərbin köməyi ilə təmas xətti boyunca bizə atəşkəs təklif etməyə çalışırlar, çünki orada itki verirlər.

Digər tərəfdən, deputatın sözlərinə görə, Ukrayna Silahlı Qüvvələri Rusiya daxilində vəziyyəti qeyri-sabitləşdirməyə çalışır.

"Vəziyyət çətindir. Bu, təcili bir reaksiya tələb edir", - deyə o bildirib.

Dünən gecə Rusiyanın bölgələri Ukrayna Silahlı Qüvvələrinin kütləvi hücumuna məruz qaldı. Müdafiə Nazirliyinin məlumatına görə, 25-26 iyun gecəsi ölkə ərazisi üzərində 660 Ukrayna pilotsuz uçuş aparatı (PUA) vurulub. Bu hücum il ərzində rekord sayda olub.

Müəllif: Tural