Müharibədən falçılığa: Rusiyada Zelenski üçün "kart" açdılar - Dəhşətli sonluq

Rusiyalı ekstrasens Adelina Panina Ukrayna ilə bağlı mövcud vəziyyət və Ukrayna prezidenti Vladimir Zelenskinin siyasi gələcəyi barədə fikirlərini bölüşüb.

Publika.az xəbər verir ki, o, vəziyyətin hazırda daha çox informasiya müstəvisində gərgin olaraq qaldığını iddia edib.

Paninanın sözlərinə görə, tərəflər arasında davam edən qarşıdurma fonunda müxtəlif addımlar ictimai rəyə təsir göstərməyə yönələ bilər.

“Hazırda vəziyyət kifayət qədər gərgindir, lakin bu daha çox informasiya sahəsində hiss olunur. Hesab edirəm ki, yaxın müddətdə fərqli mənzərə ilə qarşılaşa bilərik”, - deyə o qeyd edib.

Ekstrasens Belarus istiqamətində səslənən bəyanatlara da münasibət bildirib. Onun fikrincə, regionda müşahidə olunan gərginlik uzunmüddətli perspektivdə münaqişənin həllinə təsir göstərə biləcək proseslərin tərkib hissəsidir.

Panina yaxın aylarda müəyyən dəyişikliklərin baş verəcəyini ehtimal etdiyini də qeyd edib.

Bununla yanaşı, o, Vladimir Zelenskinin siyasi gələcəyi ilə bağlı da şəxsi proqnozlarını səsləndirib. Ekstrasens hesab edir ki, Ukraynada gələcəkdə siyasi proseslər yeni mərhələyə keçə bilər.

Panina əlavə edib ki, hazırda dünyada baş verən hadisələr insanların yalnız maddi məsələlərə deyil, mənəvi dəyərlərə də daha çox diqqət ayırmasına səbəb ola bilər.

Müəllif: Adəm