MDB

Tokayev xalqa müraciət etdi: Qazaxıstan tarixində yeni dövr başladı

1 İyul 2026 09:18

Qazaxıstanın yeni konstitusiyasının 1 iyul çərşənbə günü qüvvəyə minməsi ölkənin siyasi sisteminin yenidən qurulması deməkdir.

Publika.az xəbər verir ki, bunu Qazaxıstan Prezidenti Kasım-Jomart Tokayev bildirib.

"Bu gün suveren Qazaxıstanın tarixində yeni bir dövrün başlanğıcıdır. Biz mütərəqqi tərəqqi, siyasi və iqtisadi islahatlar və genişmiqyaslı modernləşmə istiqamətində böyük bir yola qədəm qoyuruq", - Tokayev deyib.

Dövlət başçısının sözlərinə görə, bu gün siyasi sistemin köklü şəkildə yenidən qurulması və əsas dövlət qurumlarının transformasiyası başlayır.

Siyasətçi həmvətənlərini bu tarixi hadisə münasibətilə təbrik edib. O bildirib ki, ölkə xalqı 15 martda yeni fundamental qanunla bağlı referendumda taleyüklü bir seçim edib.

Qazaxıstanda növbəti prezident seçkilərinin ölkənin hazırkı Konstitusiyasına əsasən 2029-cu ildə keçiriləcəyi əvvəllər elan edilmişdi.

Müəllif: Tural