Ramzan Kadırov ilk dəfə bu siyahıya daxil edilmədi - Çeçenistanda nə baş verir?

Uzun illərdən sonra ilk dəfə olaraq Ramzan Kadırov Dövlət Dumasına seçkilərdə Çeçenistanı təmsil edən “Vahid Rusiya” partiyasının namizədlər siyahısına daxil edilməyib.

Publika.az xəbər verir ki, "Govorit NeMoskva" nəşri bildirir ki, respublikadakı partiya siyahısına Dövlət Dumasının deputatları Şamsail Saraliyev, Ruslan Leçhaciyev və Əhməd Doqayev, eləcə də Kadırovun müttəfiqi, Çeçenistanın baş naziri Maqomed Daudov, onun birinci müavini İsa Tumhaciyev və administrasiya rəhbəri Qalas Taymasxanov rəhbərlik edir.

Çeçenistan rəhbərinin digər müttəfiqi Adam Delimxanov təkmandatlı seçki dairəsində “Vahid Rusiya”dan namizəd olub.

Nəşr xatırladır ki, 2007-ci ildən bəri Kadırov parlament seçkilərində həmişə “Vahid Rusiya”nın regional qrupuna rəhbərlik edib.

Kadırov həmçinin iyunun 28-də keçirilən “Vahid Rusiya” partiyasının qurultayını da buraxıb.

Son bir neçə ildə Çeçenistan liderinin ağır xəstəliyi ilə bağlı dəfələrlə məlumatlar yayılıb. Kadırov hər hansı bir xəstəliyi olduğunu inkar edir.

Müəllif: Tural