Qrossi Zaporojye AES-ə görə Moskvaya gedir

Beynəlxalq Atom Enerjisi Agentliyinin (BAEA) baş direktoru Rafael Qrossi yaxın vaxtlarda Kalininqrada səfər etmək niyyətində olduğunu bildirib.

Publika.az xəbər verir ki, təşkilat rəhbəri "RİA Novosti" ilə söhbətində bildirib ki, orada Zaporojye AES ətrafındakı vəziyyətlə bağlı danışıqlar planlaşdırılır.

Görüşün plenar iclas formatında keçiriləcəyini qeyd edib. Onun bildirdiyinə görə, görüşdə "Rosatom", "Rostexnadzor", Rusiya XİN, eləcə də stansiyanın təhlükəsizliyi və işi ilə bağlı digər Rusiya strukturlarının nümayəndələrinin iştirakı gözlənilir.

BAEA rəhbəri qeyd edib ki, bu cür məsləhətləşmələr müntəzəm olaraq keçirilir və tərəflərə geniş mövzu dairəsini müzakirə etməyə imkan verir. Bunların sırasında Zaporojye AES-in texniki vəziyyəti, onun fəaliyyət şərtləri, təhlükəsizlik məsələləri və obyekt ətrafındakı vəziyyətə gələcək yanaşmalar yer alır.

Qrossi həmçinin bildirib ki, belə görüşlər çərçivəsində o, adətən "Rosatom"un baş direktoru Aleksey Lixaçovla danışıqlar aparır. Onun sözlərinə görə, dialoq təkcə cari məsələləri deyil, həm də orta və uzunmüddətli perspektivdə vəziyyətə baxışı əhatə edir.

Hüseyn İbadlı