MDB

Yeni təklif: 70 yaşına çatmış şəxslərə əlavə ödənişlər edilsin

9 İyul 2026 17:26

Rusiyada 70 yaşına çatmış vətəndaşlar üçün əlavə ödənişin tətbiq edilməsi təklif edilib.

Publika.az xəbər verir ki, bu təklifi Rusiya İctimai Palatasının katibinin müavini Vladislav Qrib “RİA Novosti” agentliyinə verdiyi müsahibə zamanı irəli sürüb.

Qribin sözlərinə görə, bu yaşa çatmış rusiyalılara sağlamlıqlarını qorumaq, idmanla məşğul olmaq, profilaktik müayinələrdən keçmək, kurortlara getmək və xərc çəkmək üçün əlavə ödəniş təmin edilməlidir. O hesab edir ki, belə bir ödənişin məbləği minimum əmək haqqının ən azı üç-dörd misli olmalıdır.

Qrib həmçinin qeyd edib ki, belə bir tədbir təkcə yubiley üçün bir növ bonus deyil, həm də sağlamlıqlarına qayğı göstərən insanların səylərinin tanınması kimi xidmət edə bilər.

Bundan əlavə, İctimai Palatanın katibinin müavini 75 və 80 yaşına çatmış vətəndaşlar üçün oxşar əlavə ödənişlərin təmin edilməsini və 70 yaşından sonra hər beş ildən bir təyin edilməsini təklif edib.

Müəllif: Tural