Bu ölkə tələb etdi: Vahid Ələkbərovla Patriarx Kirill sanksiya  paketindən çıxarıldı

Moskva və Bütün Rusiyanın Patriarxı Kirill və "Lukoyil" neft şirkətinin təsisçisi Vahid Ələkbərov Rusiyaya qarşı 21-ci sanksiyalar raundundan çıxarılıblar.

Publika.az xəbər verir ki, bu barədə diplomatik mənbələrdən "European Pravda"ya məlumat verilib.

"Rus Pravoslav Kilsəsinin Patriarxı Kirill və "Lukoyl" şirkətinin təsisçisi Vahid Ələkbərov Bolqarıstanın tələbi ilə Rusiyaya qarşı 21-ci AB sanksiya paketindən çıxarılıb", - məlumatda bildirilir.

Nəşr həmçinin qeyd edib ki, 21-ci sanksiya paketinin "ən problemli məsələləri" "yumşaldılma istiqamətində" həll edilib.

9 iyun tarixində “Euronews” mənbələrə istinadən Avropa Komissiyasının Rusiyaya qarşı şəxsi sanksiyalar layihəsinə Patriarx Kirili daxil etdiyini bildirmişdi . İyulun əvvəlində “Politico” üç diplomata istinadən İtaliyanın Bolqarıstanla birlikdə Patriarx Kirilə qarşı sanksiyaların tətbiqinə qarşı çıxdığını bildirmişdi .

İyunun 18-də Bolqarıstanın Baş naziri Rumen Radev Sofiyanın Patriarx Kirillə qarşı Aİ sanksiyalarına veto qoymağa hazır olduğunu açıqladı. Bolqarıstanın xarici işlər naziri Velislava Petrova da ölkə hökumətinin Aİ-nin Rusiya enerji sektoruna və Patriarx Kirillə qarşı təklif etdiyi sanksiyalarla razılaşmadığını vurğulayıb.

İyulun 13-də Avropa diplomatiyasının rəhbəri Kaya Kallas bildirib ki, Aİ səfirləri Brüsseldə xarici işlər nazirlərinin görüşünə qədər Rusiya əleyhinə 21-ci sanksiyalar paketi barədə razılığa gələ bilməyiblər.

Müəllif: Tural