Bir həftədə Ukraynaya 1640 aviabomba, 99 raket atıldı

Rusiya Silahlı Qüvvələri müxtəlif tipli 40-dan çox raket və 120 zərbə dronu buraxaraq Kiyevə ən kütləvi ballistik hücumlardan birini həyata keçirib.

Publika.az xəbər verir ki, bu barədə Ukrayna lideri Volodimir Zelenski özünün sosial şəbəkə hesablarında məlumat yayıb.

"Hazırda Kiyevdə bir nəfərin öldüyü, daha 16 nəfərin yaralandığı məlumdur. Həmçinin Odessa vilayətində və Zaporojyedə xəsarət alanlar var, Sumı və Çerniqov vilayətlərində dağıntılar qeydə alınıb. Üç yerdə atəşin nəticələrinin aradan qaldırılması davam edir, təxminən 600 xilasedici cəlb olunub", - o qeyd edib.

Zelenskinin sözlərinə görə, təkcə bu həftə ərzində Rusiya qoşunları Ukraynaya qarşı 1 450-yə yaxın zərbə dronu, 1 640-dan çox idarə olunan aviabomba və müxtəlif tipli 99 raket tətbiq edərək Vinnitsa, Dnepropetrovsk, Donetsk, Jitomir, Kirovoqrad, Nikolayev, Poltava, Xarkov, Xerson və Çerkassı vilayətlərinə hücum edib.

"Ballistikadan müdafiə hazırda əsas prioritetdir və antiballistika üzərində işləməklə yanaşı, Rusiyaya qarşı təzyiqlər də davam etdirilməlidir", - Ukrayna Prezidenti vurğulayıb.