Xəzər Boru Kəməri Konsorsiumunun terminalı yenə də vuruldu

Xəzər Boru Kəməri Konsorsiumu (XBKK) tankerə edilən növbəti dron hücumundan sonra terminaldan neft daşınmasını yenidən dayandırıb.

Publika.az xəbər verir ki, bu barədə XBK-nın mətbuat xidməti özünün "Telegram" kanalında məlumat verib.

VPU-1-də yüklənərkən NELSA tankerinə dron zərbəsi endirilib. Partlayış sağ tərəfdəki arxa hissəyə, üst tikili ilə mühərrik otağı arasına dəyib və nəticədə göyərtə və bölmələr alovlanıb. Yanğın bir neçə saat ərzində tankerin heyəti və CPC təcili yardım qayıqları tərəfindən söndürülüb. Kapitan və birinci köməkçi istisna olmaqla, 22 nəfərlik heyət yedək gəmilərlə təxliyə edilib.

"Neftin yüklənməsi dayandırılıb və çənlərdə neft dağılmalarına və ya alışmalara icazə verilməyib", - məlumatda deyilir.

19 iyul səhəri də Xəzər Boru Kəməri Konsorsiumunun dəniz terminalına dron hücumu olmuşdu.

Şirkətin məlumatına görə, yük daşıyarkən iki dəniz tankeri - ASIA və NISSOS IOS - zərbəyə məruz qalıb. Konsorsium heç bir şəxsi heyətin xəsarət almadığını və gəmilərin suda qaldığını təsdiqləyib.

CPC Rusiya, ABŞ, Qazaxıstan və bir sıra Qərbi Avropa ölkələrinin ən böyük enerji şirkətlərini birləşdirir. O, Qazaxıstanın üç əsas yatağından – “Tengiz”, “Kaşaqan” və “Karaçaqanak”dan neft nəql edir.

Müəllif: Tural