Deputatdan təklif: Bu ərzaqların qiyməti dondurulsun

Rusiyada 10-15 sosial əhəmiyyətli ərzaq məhsulu üçün qiymət subsidiyalarının nəzərdən keçirilməsi təklif edilib ki, bu da qiymətlərin müəyyən səviyyədə sabitləşməsinə imkan verəcək.

Publika.az TASS-a istinadla xəbər verir ki, bu təklifi Dövlət Dumasının deputatı, "Ədalətli Rusiya" partiyasının üzvü Yuri Qriqoryev irəli sürüb.

"Biz 10-15 sosial əhəmiyyətli malın siyahısını götürəcəyik: şəkər, qarabaşaq yarması, un, yumurta, süd. Pərakəndə satış şəbəkələri dövlətdən subsidiyalar alır və bunun müqabilində dövlət bu malların qiymətlərinin tamamilə dondurulacağına zəmanət verir", - deyə qanunverici izah edib.

Nümunə olaraq, Qriqoryev bəzi bölgələrdə yerli hakimiyyət orqanlarının bir neçə növ çörəyin qiymətini tənzimləmək üçün xüsusilə çörək sexlərinə subsidiya verdiyi təcrübəni misal gətirib.

Parlament üzvü vurğulayıb ki, "bu, bütün ölkə üçün, xüsusən də indiki dövrdə çox yaxşı bir təcrübədir".

“Ədalətli Rusiya” Partiyasının sədri Sergey Mironov əvvəllər qeyd etmişdi ki, ruslar hazırda bəzi məhsullar üçün ikiqat qiymət ödəyirlər. Buna görə də o, pərakəndə satış məntəqələrinin əsas məhsulları 10%-dən çox baha satmasını qadağan etməyi təklif etmişdi. Bundan əlavə, Mironov qida məhsullarına ƏDV-ni 5%-ə endirməyi və pərakəndə satış şəbəkələrinin kiçik, regional istehsalçılardan məhsul almasını tələb etməyi təklif etmişdi.

Müəllif: Tural