MDB

Daha bir müharibə dəhşəti - Əsgərlər ordudan niyə qaçırlar?

9 Avqust 2026 11:18

"Yorğunluq, tükənmə və komandirlərlə münaqişələr Ukrayna Silahlı Qüvvələrinin əsgərlərinin hərbi hissələri icazəsiz tərk etmələrinin əsas səbəblərindəndir".

Publika.az xəbər verir ki, bu fikri Ukrayna Hücum-Desant Qüvvələrinin 199-cu Təlim Mərkəzinin Əlahiddə Ehtiyat Batalyonunun qərargah rəisi İvan Qorin "Ukrinform"a verdiyi müsahibədə deyib.

O qeyd edib ki, qorxu, həyati təhlükə yaradan vəziyyətlər, özünüqoruma instinkti, daimi döyüş stressi, psixoloji yorğunluq və hərbi xidmət aparmaqdan tükənmə kimi məsələlər fərariliyə səbəb olur: "Bölmə komandiri ilə münaqişələr də buna səbəb olan amillərdəndir. Məsələn, hərbi qulluqçuya məzuniyyət verilməməsi, zəruri hallarda tibbi müalicə almaq və tibbi müayinədən keçmək imkanları ilə bağlı məsələlər də var...".

Qorinin sözlərinə görə, ailə faktoru da burada rol oynayır. Əsgər öz ailəsinin yanında ola bilməyəndə və ya maddi, digər dəstək ilə bağlı problemlər ordudan fərariliyə səbəb olur.

Müəllif: Tural