"Kiyev cini şüşədən özü çıxardı" - Putin

"Kiyev özü Rusiya iqtisadiyyatına zərər vurmaq məqsədi ilə cini şüşədən çıxarıb".

Publika.az xəbər verir ki, bu barədə “RİA Novosti” Rusiya Federasiyasının Prezidenti Vladimir Putinin “Rusiya” telekanalının jurnalisti Pavel Zarubinə verdiyi müsahibəyə istinadla məlumat yayıb.

“Kiyev (Ukrayna) hakimiyyəti cini şüşədən özü çıxardı - bizim mülki müəssisələrimizə zərbələr endirməyə başladı, Rusiya iqtisadiyyatını dağıtmaq məqsədini açıq şəkildə bəyan etdi... Elə isə cavabınızı alın”, - deyə dövlət başçısı vurğulayıb.

Xatırladaq ki, Rusiya qoşunları avqustun 22-nə keçən gecə Kiyev şəhərində və Kiyev vilayətində nəqliyyat infrastrukturu obyektlərinə və logistika mərkəzinə zərbə endirib. Rusiya Müdafiə Nazirliyindən bildirilib ki, nəticədə “Darnitsa” lokomotiv deposu və “Brovarı” logistika mərkəzi vurulub.

Ukrayna Silahlı Qüvvələrinin Hərbi Hava Qüvvələri Komandanlığı ukraynalı hərbçilərin tək bir ballistik raketi belə vurub düşürə bilmədiyini etiraf edib.

Hüseyn İbadlı