Ən yüksək maaşlı ixtisalar - Təcrübəli İT mütəxəssisləri qədər qazanırlar

2026-cı ildə əmək bazarı ixtisaslı kadrların xeyrinə dəyişib və artıq qaynaqçıların əməkhaqları İT mütəxəssislərinin gəlirləri ilə bərabərləşib.

Publika.az xəbər verir ki, bu barədə Lenta.ru-ya biznes-məsləhətçi, “Rusyayev Klub” biznes birliyinin təsisçisi İlya Rusyayev məlumat verib.

Ekspert bildirib ki, 2026-cı ildə fəhlə ixtisasları arasında gəlirə görə birinci yeri attestasiyadan keçmiş qaynaqçılar tutur. O qeyd edib ki, sənaye və neft-qaz sektorunda onlar üçün təklif olunan məbləğ ayda 200 min rubl həddini keçib və təcrübəli İT mütəxəssislərinin gəlirlərinə çatıb. Onun sözlərinə görə, növbəti yerlərdə elektromontyorlar, maşinistlər və quraşdırıcılar, həmçinin rəngsazlar, suvaqçılar, avtoçilingərlər, tornaçılar, frezerçilər, yük nəqliyyatı sürücüləri, CNC (ədədi proqramla idarə olunan) dəzgahlarının operatorları və mexaniklər qərarlaşıb.

“Zəif cərəyan sistemləri üzrə quraşdırıcıları, soyutma avadanlıqları üzrə texnikləri, aşpazları, gözəllik sənayesi ustalarını, pilotsuz aviasiya sistemlərinin (PAS) xarici pilotlarını, marketpleys menecerlərini və proqram təminatı testçilərini də əlavə etsək, işə qəbul zamanı və ya məvacib dərəcəsinə baxılarkən ali məktəb diplomunun tələb olunmadığı 15 sahə alınır”, - deyə Rusyayev bildirib.

Biznes-məsləhətçi diqqətə çatdırıb ki, Rusiya Əmək Məcəlləsinin 198-ci maddəsinə uyğun olaraq, işəgötürənin razılaşdırılmış müddət ərzində çalışmaq öhdəliyi müqabilində şagirdlik müqaviləsi əsasında fəhlə ixtisasları üzrə təhsili ödəmək hüququ var. Təhsil haqqı müstəqil ödənildikdə isə Rusiya Vergi Məcəlləsinin 219-cu maddəsi il ərzində 150 min rubladək xərc həddində sosial vergi güzəşti nəzərdə tutur ki, bu da 13 faizlik dərəcə ilə 19 500 rubladək vəsaitin geri qaytarılması deməkdir; həmin limitə ixtisasın müstəqil qiymətləndirilməsi də daxildir.

Hüseyn İbadlı