Qazaxıstanda seçici fəallığı 50%-i ötdü
Bizi izləyin

MDB

Qazaxıstanda seçici fəallığı 50%-i ötdü

Qazaxıstanda seçici fəallığı 50%-i ötdü

Qazaxıstanın birpalatalı parlamenti - Qurultaya keçirilən seçkilərdə seçici fəallığı yerli vaxtla saat 14:00-a olan məlumata görə 50%-i ötüb.

Publika.az xəbər verir ki, bu barədə Qazaxıstan Mərkəzi Seçki Komissiyasının katibi Şavkat Utemisov məlumat verib.

Onun sözlərinə görə, saat 14:00-a ölkə üzrə 6 milyon 696 min 2 seçici bülleten alıb. Bu, seçici siyahısına daxil edilən vətəndaşların 53,12 faizini təşkil edib.

Ən aşağı seçici fəallığı ölkənin ən böyük şəhəri Almatıda qeydə alınıb - 30,36 faiz. Ən yüksək göstərici isə Qızılorda vilayətində olub - 64,22 faiz. Paytaxt Astanada seçicilərin 40,92 faizi səs verib.

Qeyd edək ki, Qazaxıstanda parlament seçkiləri üçün seçici fəallığı ilə bağlı minimum hədd müəyyən edilməyib. Seçkilər səsvermədə iştirak edənlərin sayından asılı olmayaraq baş tutmuş hesab olunur.

Səsvermə yalnız partiya siyahıları üzrə keçirilir. Vətəndaşlar yeddi siyasi partiyadan birinə və ya bütün namizədlərin əleyhinə səs verə bilərlər.

Oxumağa davam et
Reklam
Reklam

Gündəm

Zəfaran Hospital
Səba