Tokayev vitse-prezidentin adını bu tarixdə açıqlayacaq

Qazaxıstanın vitse-prezidentinin adı yaxın 10 gün ərzində açıqlanacaq.

Publika.az xəbər verir ki, bunu respublika rəhbəri Qasım-Jomart Tokayev Astanadakı məntəqədə parlament seçkilərində səs verdikdən sonra bəyan edib.

“Vitse-prezident postunu kimin tutacağı gələn həftə və ya 10 gün ərzində bəlli olacaq. İndi onun adını çəkmək vaxtından əvvəl olardı. Düşünürəm ki, bu, hamınızın yaxşı tanıdığı tanınmış bir şəxs olacaq”, - deyə Qazaxıstan lideri bildirib.

Tokayev əlavə edib ki, “indiki çətin dövrdə” respublikaya vitse-prezident vəzifəsi xüsusilə lazımdır.

2026-cı il iyulun 1-də Qazaxıstanın martın 15-də keçirilən respublika referendumunda qəbul edilmiş yeni konstitusiyası qüvvəyə minib. Əsas dəyişiklik iki palatalı parlamentdən 145 deputatdan ibarət birpalatalı Qurultaya keçiddən ibarətdir. İndi bütün deputatlar yalnız vahid ümummilli dairə üzrə partiya siyahıları ilə seçilirlər, 2022-ci il hadisələrindən sonra bərpa olunmuş birmandatlı dairələr isə artıq mövcud deyil. Parlamentarilər, xüsusilə, respublika rəhbəri tərəfindən təklif olunan vitse-prezident namizədliyinə səs verəcəklər.

Hüseyn İbadlı