Rusiya ötən sutka Ukraynanın 1000-ə yaxın PUA-sını məhv edib
Bizi izləyin

MDB

Rusiya ötən sutka Ukraynanın 1000-ə yaxın PUA-sını məhv edib

Rusiya ötən sutka Ukraynanın 1000-ə yaxın PUA-sını məhv edib

Rusiya Silahlı Qüvvələrinin hava hücumundan müdafiə sistemləri son sutka ərzində 988 pilotsuz uçuş aparatı (PUA) və 11 uzaqmənzilli “Flaminqo” qanadlı raketini məhv edib.

Publika.az xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, hava hücumundan müdafiə qüvvələri, həmçinin 17 idarəolunan aviasiya bombası və ABŞ istehsalı HIMARS reaktiv yaylım atəş sisteminin 3 mərmisini vurub.

Beləliklə, Rusiya tərəfinin məlumatına görə, bir sutkada 1000-dən çox hava hədəfi məhv edilib. Nazirlik bunun Ukrayna tərəfindən intensiv hava hücumlarının həyata keçirildiyini göstərdiyini bildirib.

Qeyd edək ki, avqustun 23-də Rusiya ərazisinə rekord gecə hücumu barədə məlumat verilmişdi. Həmin vaxt Rusiya HHM qüvvələri 328 PUA-nın vurulduğunu açıqlamışdı.

Rusiya Müdafiə Nazirliyinin məlumatına görə, müharibənin əvvəlindən indiyədək 215 mindən çox PUA məhv edilib.

Müəllif: Adəm

Oxumağa davam et
Reklam
Reklam

Gündəm

Zəfaran Hospital
Səba