Paşinyanın sözləri Ermənistanda ciddi narazılıq yaradacaq: Moskvadan sərt ittiham

Rusiyanın xarici işlər naziri Sergey Lavrov Ermənistanın baş naziri Nikol Paşinyanın Avropa İttifaqına (Aİ) üzvlüklə bağlı referendumun keçirilməsi məsələsində mövqeyini tənqid edib.

Publika.az xəbər verir ki, Rusiya XİN rəhbəri bu barədə RBK telekanalına müsahibəsində danışıb.

Lavrov hesab edir ki, Paşinyanın referendumun yalnız Ermənistan Aİ-yə üzvlük üçün rəsmi müraciət etdikdən, buna cavab aldıqdan və üzvlük üzrə “yol xəritəsi” hazırlandıqdan sonra müzakirə edilə biləcəyini söyləməsi onun Ermənistan xalqına və seçicilərinə “çox böyük etimad göstərmədiyini” nümayiş etdirir.

“Bir neçə gün əvvəl oxudum ki, Nikol Paşinyan referendum haqqında yalnız Avropa İttifaqına müraciət etdikdən, həmin müraciətə reaksiya verildikdən və bu üzvlüklə bağlı “yol xəritəsi” hazırlandıqdan sonra danışmağın mümkün olduğunu bildirib. Onun sözlərinə görə, referendum da bundan sonra keçiriləcək”, - Lavrov deyib.

Rusiya XİN rəhbəri Ermənistanın son illərdə Avrasiya İqtisadi İttifaqı (Aİİ) çərçivəsində inkişaf etdiyini də vurğulayıb. Onun sözlərinə görə, son üç ildə Ermənistanın xarici ticarət dövriyyəsi 6 milyard dolları ötüb, bir ildə isə bu göstərici 12 milyard dollara çatıb.

Müəllif: Adəm