Təyyarə qəfil alışdı - Almatı hava limanında işçi yaralandı
Bizi izləyin

MDB

Təyyarə qəfil alışdı - Almatı hava limanında işçi yaralandı

Təyyarə qəfil alışdı - Almatı hava limanında işçi yaralandı

Qazaxıstanın Almatı hava limanında “FlyArystan” aviaşirkətinə məxsus təyyarədə yanğın baş verib.

Publika.az xəbər verir ki, bu barədə “Air Astana” şirkətinin mətbuat xidməti məlumat yayıb.

Hadisə aviaşirkətin təyyarəsində planlı texniki işlər aparılan zaman baş verib. İşlər zamanı təyyarədə lokal yanğın meydana gəlib və hava limanının fövqəladə xidmətləri tərəfindən qısa müddətdə söndürülüb.

Hadisə nəticəsində “Air Astana” qrupunun bir əməkdaşı xəsarət alıb. Ona tibbi yardım göstərilib və daha sonra xəstəxanadan buraxılıb.

Şirkət bildirib ki, hadisə zamanı təyyarənin göyərtəsində sərnişin və ekipaj üzvü olmayıb.

Təyyarə müvəqqəti olaraq istismardan çıxarılıb. Hazırda onun zədələnmə dərəcəsi qiymətləndirilir və təmir işləri aparılır.

“Air Astana” qrupu və Almatı Beynəlxalq Hava Limanı hadisənin səbəblərini və digər təfərrüatları araşdırır.

Müəllif: Adəm

Oxumağa davam et
Reklam
Reklam

Gündəm

Zəfaran Hospital
Səba