Qadın liftdə uşaq dünyaya gətirdi
Bizi izləyin

MDB

Qadın liftdə uşaq dünyaya gətirdi

Qadın liftdə uşaq dünyaya gətirdi

Qadın doğum evinə gedərkən qız uşağı dünyaya gətirib - həkimlər doğuşu Moskvada binaların birindəki liftdə qəbul etməli olublar.

Publika.az xəbər verir ki, bu barədə Sklifosovski adına Təcili Tibbi Yardım Elmi-Tədqiqat İnstitutunun "Telegram" kanalı məlumat yayıb.

Bildirilib ki, qadında sürətli doğuş başlayıb və o, doğum evinə çatmağa macal tapmayıb - dölətrafı sular liftin içində gəlib. Təcili tibbi yardım əməkdaşları doğuşu hadisə yerində qəbul edib, daha sonra ana və uşağı N. V. Sklifosovski adına Təcili Tibbi Yardım Elmi-Tədqiqat İnstitutuna çatdırıblar.

Həkimlər göbək ciyəsini kəsib, qadından qan analizləri götürüb və onun vəziyyətini, o cümlədən ciddi qan itkisini istisna etmək məqsədilə yoxlayıblar. Körpə də mütəxəssislər tərəfindən müayinə olunub. Həkimlər ana və uşağın sağlamlığı üçün təhlükə olmadığından əmin olduqdan sonra ailə doğum evinə köçürülüb və üç gün sonra evə buraxılıb.

Hüseyn İbadlı

Oxumağa davam et
Reklam
Reklam

Gündəm

Zəfaran Hospital
Səba