Təcrübəli cərrah ögey oğlunu niyə öldürdü? - Dəhşətli cinayətin təfərrüatı

Rusiyada təcrübəli ürək cərrahı həbs edilib.

Publika.az xəbər verir ki, bu barədə "Baza" Teleqram kanalı məlumat yayıb.

Qeyd edilib ki, Moskva vilayətində yaşayan 54 yaşlı ürək cərrahı 29 yaşlı ögey oğlunu mübahisə zamanı öldürdüyünə görə altı il həbs cəzasına məhkum edilib.

"Hadisə bu ilin mart ayında Moskva vilayətinin Çexov şəhərində baş verib. Ana ilə oğlu arasında mübahisə yaranıb. Gənc oğlan qumar asılılığından əziyyət çəkirmiş və tez-tez anasına qəzəblənirmiş. Qadın məhz bu səbəbdən ona Sankt-Peterburqa səyahət üçün nəzərdə tutulan pulu verməkdən imtina edib. O, anasına hücum edib. Gəncin ögey atası Yevgeni isə onların arasına girən zaman huşsuz vəziyyətə düşənə qədər döyülüb",- məlumatda qeyd edilib.

Yevgeni özünə gələndən sonra həyat yoldaşı ilə birlikdə oğlunu evdən çıxarıb və qapını bağlayıb: "Lakin bu addım, qəzəbli gəncin qarşısını almayıb. Tezliklə o, içəri girə bilib və valideynlərinə zorakılıq göstərərək onları hədələməyə başlayıb. Ana kömək üçün qonşuya qaçıb. Dava zamanı ögey ata özünü qorumaq üçün mətbəx bıçağını götürüb. Həkimin sözlərinə görə, o, ögey oğlunu sakitləşdirmək üçün oğlanı sadəcə ayağından bıçaqlamaq niyyətində olub. Amma əvəzində oğlan sinəsindən bıçaqlanıb. Yara ölümcül olub".

Müəllif: Tural