MDB

Ukrayna Kurtovkanı belə itirdi - VİDEO

5 Sentyabr 2026 14:00

Rusiya qoşunları Ukraynanın Donetsk bölgəsinin Kurtovka yaşayış məntəqəsini nəzarətə götürüb.

Publika.az xəbər verir ki, bu barədə Rusiya Müdafiə Nazirliyi "Max" platformasında məlumat yayıb.

Paylaşımda qeyd edilib ki, "Cənub" Qüvvələr Qrupunun bölmələri "Donetsk Xalq Respublikası"nın Kurtovka kəndini azad ediblər".

Bundan əlavə, döyüşçülər qondarma respublikanın dörd rayonunda - Kramatorsk, Slavyansk, Drujkovka və Verolyubovka yaxınlığında beş mexanikləşdirilmiş briqada, bir motoatıcı briqada, bir hava-hücum briqadası, bir dağ hücum briqadası, bir hücum alayı və iki ərazi müdafiə briqadasından ibarət birləşmələrini məğlub edə biliblər.

Gərgin döyüşlər nəticəsində Ukrayna Silahlı Qüvvələri 205-dən çox hərbçi, eləcə də texnikalar - iki zirehli döyüş maşını, 16 nəqliyyat vasitəsi və iki səhra artilleriya qurğusunu itirib. Bu qurğulardan biri ABŞ istehsalı olan 155 mm-lik "Paladin" özüyeriyən artilleriya qurğusu olub.

Müəllif: Tural