Bezenqi dərəsində qar uçqunu - Ölənlərin sayı 11-ə çatdı

Kabardin-Balkariyanın Bezenqi dərəsində baş verən qar uçqunu nəticəsində ölənlərin sayı 11-ə çatıb.

Publika.az xəbər verir ki, bu barədə Rusiya Fövqəladə Hallar Nazirliyinin Respublika üzrə Baş İdarəsi məlumat yayıb. Agentliyin yenilənmiş məlumatına görə, on iştirakçı dağdan təkbaşına enməyi bacarıb. Daha altı alpinist xəstəxanalara aparılıb. On bir nəfər ölüb.

Sentyabrın 6-sı axşamı Mijirqi dağının yamacından uçqun düşüb. Əvvəlcə Fövqəladə Hallar Nazirliyi 15 alpinistdən ibarət qrup barədə məlumat vermişdi. Həmin vaxt iki nəfərin öldüyü, üç nəfərin yaralandığı, on nəfərin isə taleyinin naməlum olduğu bildirilirdi.

Hadisə yerində Elbrus Yüksək Dağ Axtarış-Xilasetmə Qrupunun xilasediciləri işləyir. Əməliyyat dağlıq ərazinin kələ-kötür olması və davam edən uçqun təhlükəsi ilə çətinləşir. Rusiya Fövqəladə Hallar Nazirliyinin Mi-8 helikopteri də cəlb olunub.

Hadisədən sonra İstintaq Komitəsi səhlənkarlıq maddəsi ilə cinayət işi açıb. Faciənin səbəbləri və şəraiti araşdırılır.

Müəllif: Tural