Belarusun sərhədləri pozulur, casusluq həyasızcasına aparılır - Lukaşenko qəzəbləndi

Belarus prezidenti Aleksandr Lukaşenko ölkəsinə qarşı kəşfiyyat fəaliyyətinin son dərəcə həyasız və demək olar ki, açıq şəkildə aparıldığını bildirib.

Publika.az xəbər verir ki, Lukaşenko bunu Brest vilayətində hərbi poliqonda olarkən deyib.

Onun sözlərinə görə, Belarusla bağlı ritorikada aqressiv ton açıq şəkildə müşahidə olunur. Dövlət başçısı casusluq fəaliyyətinin həyasızcasına həyata keçirildiyini, mütəmadi olaraq təxribatların və ölkənin hava sərhədlərinin pozulması hallarının qeydə alındığını söyləyib.

Lukaşenko vurğulayıb ki, əsas problem yalnız bu insidentlər deyil. Onun sözlərinə görə, qonşu dövlətlər ordularının yenidən silahlandırılmasına milyardlarla dollar həcmində böyük vəsait yatırırlar.

Belarus lideri mümkün insidentlərə operativ və adekvat reaksiya verməyə daim hazır olmağın vacibliyini qeyd edib. O bildirib ki, müasir hərbi təcrübə döyüş əməliyyatlarında həlledici amilin qoşunların effektiv idarə olunması olduğunu göstərir.

Müəllif: Adəm