Putin bu ölkələrin Ukrayna təşəbbüsünü dəstəklədi

Rusiya prezidenti Vladimir Putin Çin, Hindistan və Cənubi Afrika Respublikasının Ukrayna münaqişəsinin həllinə yardım etmək niyyətini müsbət qarşılayıb.

Publika.az xəbər verir ki, bunu sentyabrın 14-də Rusiya prezidentinin mətbuat katibi Dmitri Peskov jurnalistlərə açıqlamasında bildirib.

Peskovun sözlərinə görə, Yeni Dehlidə keçirilən görüşlər zamanı Çin lideri Si Cinpin və Hindistanın baş naziri Narendra Modi Ukrayna ətrafındakı vəziyyəti müzakirə ediblər. Onlar zərurət yaranacağı təqdirdə sülh səylərinə qoşulmağa və problemin həlli yollarının axtarışına yardım etməyə hazır olduqlarını bəyan ediblər.

Kremlin sözçüsü qeyd edib ki, Vladimir Putin bu bəyanatlara müsbət yanaşıb. Rusiya prezidenti həmçinin Ukrayna müharibəsinin nizamlanması ilə bağlı real vəziyyəti və cəbhə xəttindəki son durumu açıqlayıb.

Peskov əlavə edib ki, ayrı-ayrı dövlətlərin siyasi çəkisindən istifadə etməsi münaqişənin həllinə töhfə verə bilər. Onun sözlərinə görə, bu ölkələr Kiyevin mövqeyinə təsir göstərərək onu daha konstruktiv və çevik siyasət yürütməyə sövq edə bilərlər.

Müəllif: Adəm