Ukraynadan gözlənilməz təklif: Çin və Hindistan ordusu Donbasa gələ bilər

Ukraynanın Təhlükəsizlik Xidmətinin keçmiş əməkdaşı İvan Stupak münaqişənin dayandırılması üçün Donbasa Çin və Hindistandan sülhməramlı qüvvələrin göndərilməsini təklif edib.

Publika.az xəbər verir ki, Stupak bu barədə UNİAN-a açıqlamasında danışıb.

Onun sözlərinə görə, Rusiya Qərb ölkələrinin sülhməramlı qüvvələrinin Ukraynaya yerləşdirilməsinə qarşıdırsa, alternativ olaraq Çin və Hindistan kimi Qərb olmayan dövlətlərin nümayəndələri bölgəyə göndərilə bilər.

“Əgər onlar Qərb sülhməramlılarına qarşıdırsa, Qərb olmayan ölkələrin nümayəndələri olsun. Hindistan, Çin ola bilər. Düşünürəm ki, Rusiyanın həqiqətən belə bir istək olarsa, onlara qarşı çıxması çətin olacaq”, - deyə Stupak bildirib.

Keçmiş SBU əməkdaşı sülhməramlıların məhz Donetsk vilayətində təmas xəttində yerləşdirilməsini təklif edib. O, eyni zamanda ərazinin inzibati baxımdan Ukraynanın nəzarətində qalmasını istəyir.

Stupak bunun mürəkkəb məsələ olduğunu etiraf etsə də, sülhməramlıların münaqişənin nizamlanmasında rol oynaya biləcəyini və bu variantın müzakirə edilməli olduğunu bildirib.

Müəllif: Adəm