Putinin köməkçisi bu ölkəni hədələdi: 2-3 günə məhv edərik

Rusiya prezidentinin köməkçisi Nikolay Patruşev Polşanın xarici işlər naziri Radoslav Sikorskinin Polşanın hərbi baxımdan Rusiyanı üstələməsi ilə bağlı dediklərinə münasibət bildirib.

Publika.az xəbər verir ki, Patruşev Varşavanın Moskva ilə hərbi toqquşmaya girəcəyi təqdirdə Polşanın 2-3 gün ərzində məhv edilə biləcəyini bəyan edib.

Onun sözlərinə görə, Sikorski mümkün münaqişənin nəticələrini düzgün qiymətləndirmir. Patruşev bildirib ki, Polşa Rusiyaya qarşı hərbi əməliyyatlara qoşulacağı təqdirdə Moskva malik olduğu bütün qüvvə və vasitələrdən istifadə edə bilər:

“Belə olan halda Polşa dövlətçiliyi 2-3 sutka ərzində mövcudluğunu dayandıra bilər”.

Patruşev Sikorskinin Rusiyanın hərbi potensialını qiymətləndirməsini də qeyri-peşəkar adlandırıb. O qeyd edib ki, Polşa XİN rəhbəri Ukraynadakı müharibə zamanı Rusiya Silahlı Qüvvələrinin bütün resurslarından tam həcmdə istifadə etmədiyini nəzərə almır.

Patruşev əlavə edib ki, “militarist əhval-ruhiyyəyə qapılan” Sikorski Rusiya prezidenti Vladimir Putinin Avropaya qarşı Moskvanın heç bir təhlükə yaratmadığı barədə açıqlamalarına da məhəl qoymur.

Müəllif: Adəm