Zelenskidən Çin və Şimali Koreyaya sərt ittiham: Bu, regionu riskə atır

Ukrayna prezidenti Vladimir Zelenski Çin və Şimali Koreyanın Rusiya ilə bağlı mövqeyini tənqid edib.

Publika.az xəbər verir ki, Zelenski bu barədə Yaponiyanın NHK telekanalına açıqlamasında danışıb.

Onun sözlərinə görə, Rusiya Şimali Koreyaya ciddi itkilər vermədən hərbi təcrübə qazanmaq imkanı yaradıb. Zelenski bunun Şərqi Asiyada regional təhlükəsizlik üçün təhdidi artırdığını bildirib.

Ukrayna lideri Çinin mövqeyindən də narazılığını ifadə edib. O, Pekinin siyasi baxımdan Ukraynanın tərəfində olmadığını qeyd edib: “Çinin siyasi iradəsinin bir qədər daha çox Rusiya ilə əlaqəli olması təəssüf doğurur”.

O əlavə edib ki, müharibənin başlanmasının və dərhal dayandırılmasının qarşısını almaq imkanına malik güclü liderlər arasında Çinin rəhbərliyi də var.

Xatırladaq ki, Zelenski avqust ayında da Ukrayna ilə Çin arasında diplomatik münasibətlərin inkişaf etdirilməsinin vacibliyini bildirmişdi. Rusiya Xarici İşlər Nazirliyi isə bu təşəbbüsün uğursuzluğa məhkum olduğunu qeyd etmişdi.

Müəllif: Adəm