İki yaşlı qız ailəni ölümdən xilas etdi - FOTO

Rusiyada maraqlı hadisə baş verib.

Publika.az Rusiya Fövqəladə Hallar Nazirliyinin Çelyabinsk üzrə regional idarəsinə istinadən xəbər verir ki, iki yaşlı qız ailəni dəhşətli faciədən son anda xilas edib.

Nazirliyin məlumatına görə, 19 sentyabr gecəsi Professor Blaqix küçəsindəki çoxmərtəbəli binanın birinci mərtəbəsindəki mənzildə alovlanma baş verib. Yanğın mətbəxdə başlayıb, ev əşyaları və mətbəxdəki mebel yanıb.

İlkin məlumatlara görə, yanğına toster, çaydan və mikrodalğalı soba üçün olan nasaz gərginlik qoruyucusu səbəb olub. İki yaşlı qız isə gecə yuxudan oyanıb və həmin vaxt mənzil artıq tüstü ilə dolubmuş. O, tüstüyə görə bütün ailəni yuxudan oyadıb.

"Böyüklər uşaqları da götürərək təhlükəli zonadan təxliyə olublar. Balaca qız və onun 10 yaşlı qardaşı dəm qazından zəhərləniblər. Onlar zəhərlənmə əlamətləri ilə xəstəxanaya aparılıblar və həkimlər uşaqların vəziyyətini qənaətbəxş qiymətləndirirlər. Yanğın 5 kvadrat metrlik ərazidə olub və qısa zamanda söndürülüb",- məlumatda qeyd edilib.

Müəllif: Tural