Rusiyadan Markaryana daha bir zərbə

Rusiyanın Federal Vergi Xidməti (FNS) erməni əsilli məşhur bloger, daha çox qadınlara qarşı nifrəti ilə tanınan Arsen Markaryanın bank hesablarını dondurub.

Publika.az xəbər verir ki, bu barədə "RİA Novosti" agentliyi məlumat yayıb.

Agentliyin məlumatına görə, Markaryan 2016-cı ilin oktyabr ayında fərdi sahibkarlıq fəaliyyəti ilə məşğul olub.

Yayılan sənədlərə görə, 15 sentyabrda Federal Vergi Xidməti Markaryanın fərdi sahibkarlıq hesablarını dondurmaq üçün iki qərar verib. Buna səbəb onun vergi bəyannaməsini vaxtında təqdim etməməsidir.

İyul ayında Moskvanın Xoroşevski Rayon Məhkəməsi Markaryanı nifrət və ya düşmənçiliyi təhrik etdiyinə görə 20.000 rubl cərimələmişdi. Məhkəmə müəyyən edib ki, mizogen bloger ötən ilin dekabr ayında "Telegram" kanalında ruslara qarşı nifrət ifadə edən video yayımlayıb.

Mart ayında isə Markaryan nasizmi "reabilitasiya" etməkdə günahkar bilinib. Moskva məhkəməsi onu Sovet İttifaqı Qəhrəmanı Aleksandr Matrosovun xatirəsini aşağıladığına, onu təhqir etdiyinə görə dörd il altı ay müddətinə azadlıqdan məhrum etmişdi. Hərçənd, prokuror hakimdən təxminən yeddi il müddətinə azadlıqdan məhrum etmə tələb etmişdi. Bloger isə öz növbəsində həbsxanaya göndərilməməsini istəyib.

Müəllif: Tural