Qaz böhranı başladı: Sandu Təhlükəsizlik Şurasının iclasını çağırdı

Moldova Prezidenti Maya Sandu istilik mövsümündən əvvəl enerji böhranına reaksiyanı nəzərdən keçirmək üçün Ali Təhlükəsizlik Şurasının iclasını çağırıb.

Publika.az xəbər verir ki, bu barədə “RİA Novosti” məlumat yayıb.

Nəşr Moldova Prezident Administrasiyasının bəyanatından sitat gətirib: "Prezident bazar ertəsi günü Ali Təhlükəsizlik Şurasının iclasını keçirəcək. Gündəliyə beynəlxalq enerji böhranının Moldova Respublikasına təsiri və qış mövsümündən əvvəl milli enerji dayanıqlığının gücləndirilməsi tədbirləri daxil olacaq".

Moldova hakimiyyəti avqust ayında olduğu kimi qaz tariflərinin kəskin şəkildə artması fonunda çətin qışa hazırlaşır. Milli Enerji Tənzimləmə Agentliyi (ANRE) qaz tariflərini 41 faiz artırmaq qərarına gəlib.

Lakin ölkədəki bəzi istilik təchizatçıları artıq ANRE-yə daha böyük tarif artımı üçün müraciətlər təqdim ediblər. Ödənişlərin əlçatmazlığı səbəbindən hökumət vətəndaşların bu xərclərini dövlət büdcəsindən kompensasiya etmək məcburiyyətində qalır.

Müəllif: Tural