Rusiya nüvə silahından nə zaman istifadə edəcək? - Peskov əsas şərti açıqladı

Rusiya Federasiyasının doktrina sənədlərində nüvə silahının tətbiqi şərtləri dəqiq müəyyənləşdirilib.

Publika.az xəbər verir ki, bu barədə Rusiya prezidentinin mətbuat katibi Dmitri Peskov xatırlatma verib.

“Bizim doktrina sənədlərimiz mövcuddur və orada bu və ya digər silah növlərinin istifadəsi üçün modallıqlar və şərtlər dəqiq şəkildə qeyd olunub”, – o bildirib.

Peskov qeyd edib ki, belə silahların tətbiqi vahid məqsədə – ölkənin ərazi bütövlüyünün qorunmasına nail olmağa yönəlib.

O, bu açıqlaması ilə NATO-nun baş katibi Mark Ruttenin sözlərini şərh edib. Ötən gün Rutte Şimali Atlantika Alyansının Kalininqrad vilayətini blokadaya almaq cəhdləri olacağı təqdirdə Rusiyanın bütün arsenalını, o cümlədən nüvə silahını istifadə etməyə hazır olması barədə xəbərdarlıq aldığını bildirib.

Sentyabrın 30-da Rusiya prezidentinin mətbuat katibi Dmitri Peskov brifinqdə bəyan edib ki, məsələn, Kalininqrad vilayətini blokadaya almaq üzrə istənilən cəhdlərə görə nüvə cavabı Rusiya Federasiyasının normativ sənədləri ilə müəyyən edilib.

Hüseyn İbadlı