Rusiya: Tokionun remilitarizasiyasına cavab tədbirləri görəcəyik!

Rusiya Yaponiyanın remilitarizasiyasına cavab olaraq öz müdafiə qabiliyyətini gücləndirmək üçün kompensasiya tədbirləri görəcək.

Publika.az xəbər verir ki, bu barədə "RİA Novosti" məlumat yayıb. Nəşr Rusiya Xarici İşlər Nazirliyinə istinad edib.

"Tokioya əvvəllər xəbərdarlıq edildiyi kimi, remilitarizasiyaya cavab olaraq, biz də ölkəmizin müdafiə qabiliyyətini gücləndirmək üçün kompensasiya tədbirləri görməyə məcbur olacağıq", - Rusiya Xarici İşlər Nazirliyi bildirib.

Qeyd edək ki, bu sərt bəyanata Yaponiyanın oktyabr ayında ABŞ ilə birgə keçirilməsi planlaşdırılan "Keen Sword- 27" təlimi səbəb olub. Kreml konkret olaraq təlimə görə ölkə ərazisində "Type-25" zərbə raket sistemlərinin yerləşdirilməsi planından qıcıq olub. Rəsmi Moskva bu addımları militarizasiya siyasətinin daha bir təzahürü kimi qiymətləndirir. Hansı ki, Rusiya milli təhlükəsizliyi təmin etmək üçün müvafiq adekvat reaksiya verməyə məcbur qalacaq.

Xatırladaq ki, sentyabrın 3-də Rusiya Yaponiyadan Amerikanın yerüstü "Typhon" raket sistemlərini öz ərazisindən çıxarmasını tələb etmişdi.

Müəllif: Tural