Rusiyadan etiraf: Ukrayna ilə danışıqlar döyüş meydanındakı vəziyyətdən asılı olacaq

Rusiya Baş nazirinin köməkçisi Yuri Uşakov bildirib ki, Rusiya, ABŞ və Ukrayna arasında danışıqlarla bağlı məsləhətləşmələr məsələsi "döyüş meydanındakı və ümumi vəziyyətdən asılı olacaq".

Publika.az xəbər verir ki, bu barədə “İnterfaks” agentliyi məlumat yayıb.

"Tarix də müəyyənləşdiriləcək. Böyük ehtimalla, 4 noyabrdan sonra olacağı aydındır. Hər şey "döyüş meydanındakı və ümumi vəziyyətdən asılı olacaq",- Uşakov bildirib.

Bundan əlavə, Uşakov qeyd edib ki, Rusiya nümayəndə heyətinin tərkibi daha sonra açıqlanacaq:

"Əlbəttə ki, bizim onurğamız var, amma düşünürəm ki, tərkib yaxın gələcəkdə müəyyənləşəcək".

Uşakov xüsusilə qeyd edib ki, təmaslar Rusiya, Ukrayna və ABŞ nümayəndələrinin iştirakı ilə planlaşdırılır.

O, Avropa tərəfinin gələn ay keçiriləcək ABŞ, Ukrayna və Rusiya arasında üçtərəfli texniki danışıqlarda iştirak etməyəcəyini də bildirib.

Uşakov həmçinin iddia edib ki, Rusiya 4 noyabrdan sonra Rusiya-Ukrayna müharibəsinə son qoymaq məsələsi ilə bağlı ABŞ və Ukrayna ilə üçtərəfli danışıqları bərpa etməyə hazırdır.

Müəllif: Tural